ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានបញ្ជាទៅស្ថានីយ៍ទូរទស្សន៍ជាតិ ចាក់វីដអូដែលសម្ដេចថ្លែងឱ្យបិទឡូនេសាទទូទាំងប្រទេសឡើងវិញ។ ដោយសារដើម្បីបញ្ជាក់ពីមូលហេតុច្បាស់លាស់របស់សម្ដេចក្នុងការការពារធនធានត្រី និងកសិករកម្ពុជា។

សម្ដេចតេជោថា នៅពេលដែលសម្ដេចឱ្យខេត្តនៅបឹងទន្លេសាបមានវិធានការលើក្រុមឈ្មួញទុច្ចរិតមានអ្នកផ្ដល់យោបល់ខ្លះឱ្យសម្ដេចបើកឡូនេសាទឡើងវិញដែលសម្ដេចថាមិនអាចធ្វើបានទេ។ សម្ដេចបញ្ជាក់ថា មានបញ្ហាជាច្រើនដែលកើតឡើងនៅពេលរដ្ឋាភិបាលបើកឡូនេសាទដល់ក្រុមឈ្មួញដែលមានពេលនោះមានកសិករខ្មែរត្រូវស្លាប់ដោយសារឡូនេសាទនោះថែមទៀត។

សម្ដេចបញ្ជាឱ្យ ទទក សហការជាមួយស្ថានីយ៍ទូរទស្សន៍នានាចាក់ផ្សាយវីដេអូជាង ៥ម៉ោងរបស់សម្ដេចបញ្ជាឱ្យបិតឡូនេសាទឡើងវិញ។

សម្ដេចថ្លែងបែបនេះក្នុងពេលជាអធិបតីក្នុងពិធីបិទសន្និបាតបូកសរុបការងារក្រសួងកសិកម្មនៅថ្ងៃទី២៣ ខែមីនា ឆ្នាំ២០២២នេះ៕